1. Սահմանումներ
1.1. Ընկերություն՝ «GMG Pharm» (հասցե՝ ՀՀ, ք. Երևան, Տիգրան Պետրոսյան փողոց 48/4)
1.2. Հաճախորդ՝ Ցանկացած անձ, ով օգտվում է ընկերության կայքից՝ ապրանքների գնման և առաքումով ստացման նպատակով։
1.3. Կայք՝ Ընկերության առցանց վաճառքների կայքը՝ gmgpharm.am։
1.4. Պատվեր՝ Հաճախորդի կողմից կայքէջի կամ հեռախոսազանգի միջոցով որևէ ապրանքի առաքման պատվիրում։
1.5. Ապրանք՝ Ընկերության կողմից Կայքի միջոցով վաճառվող դեղեր, խնամքի միջոցներ, հիգիենայի պարագաներ, մանկական սնունդ և բժշկական պարագաներ։
1.6. Առաքիչ՝ Հաճախորդին առաքման ծառայություն մատուցող անձ։
1.7. Պայմաններ՝ Կայքի, և հեռախոսազանգի միջոցով պատվերի գրանցման և կատարման հարաբերություններում կանոնների ամբողջություն, որը ներառում է նաև անձնական տվյալների պաշտպանության քաղաքականությունը։
2.1. Անհրաժեշտ է մուտք գործել համակարգ, գրանցված չլինելու պարագայում գրանցվել և բացել օգտահաշիվ կամ գրանցել պատվեր որպես «հյուր»։
2.2. Սեղմել «Ապրանքներ» կոճակը և այնուհետև ընտրել ձեզ անհրաժեշտ կատեգորիան կամ փնտրել անհրաժեշտ ապրանքը որոնման դաշտում։
2.3. Ընտրել ապրանքը։
2.4. Ընտրել քանակը (տուփ/հատ)։
2.5. Սեղմել «ավելացնել» կոճակը։
2.6. Այնուհետև սեղմել «զամբյուղի կոճակը» և ընտրել «շարունակել վճարումը»։
2.7. Լրացնել այն տվյալները, որոնք կպահանջվեն գնումը շարունակելու համար։
2.8. Ընտրել վճարման տեսակը։
2.9. Սեղմելով «շարունակել վճարումը» կոճակը ապրանքի գնման գործընթացը կավարտվի։
2.10. Կանխիկ կամ POS-տերմինալ տարբերակներից մեկով վճարման դեպքում «Հաստատել» կոճակը սեղմելուց հետո պատվերը համարվում է գրանցված, իսկ առցանց, Idram տարբերակով վճարելու պարագայում պատվերը համարվում է գրանցված ապրանքի և առաքման գինը վճարելու պահից։
3.1. Հավաքագրված անձնական տվյալները և տվյալների հավաքագրման կարգը
Ընկերությունը կայքի միջոցով հավաքագրում է Հաճախորդի անձնական տվյալները՝ ապահովելու հարթակում գրանցված պատվերի իրականացումը, ինչպես նաև հաղորդակցվելու հաճախորդի հետ՝ կախված նրանից, թե ինչպես է կատարվել պատվերի գրանցումը։ Հաճախորդի անձնական տվյալների մշակումը իրականացվում է «Անձնական տվյալների պաշտպանության մասին» ՀՀ օրենքի 8-րդ հոդվածի հիման վրա։
4.1. Հաճախորդի և Ընկերության միջև ծագող հարաբերությունները
Պատվերի ստացումից անմիջապես հետո Ընկերությունը սկսում է առաքման գործընթացը։ Եթե առաքումը անհնար է կազմակերպել, Ընկերությունը տեղեկացնում է Հաճախորդին։
Առաքումը Երևան համայնքում իրականացվում է Ընկերության միջոցներով, իսկ ՀՀ մարզերում՝ «ՀԱՅՓՈՍՏ» ՓԲԸ փոստային ծառայության միջոցով։
Երևան քաղաքում պատվերը առաքվում է 2-3 ժամվա ընթացքում, իսկ ՀՀ մարզերում՝ 3-4 աշխատանքային օրվա ընթացքում։
Առաքման համար նախատեսվում է առանձին վճար, որը չի ներառվում Կայքում ապրանքի գնով։
Երևանում՝ 6000 դրամից մինչև 10,000 դրամի պատվերի համար առաքման վճարը կազմում է 1000 ՀՀ դրամ։
Երևանում՝ 10,000 դրամ և ավելի գնում կատարելու դեպքում առաքումը անվճար է։
ՀՀ մարզերում՝ առաքման վճարը հաշվարկվում է ըստ «ՀԱՅՓՈՍՏ» ՓԲԸ փոստային ծառայության գնացուցակի՝ ըստ ապրանքի կիլոգրամի, ինչպես նաև Ընկերության սահմանած 1000 դրամ դրույքաչափի հանրագումարը։
Պատվերը կարող է գրանցվել Կայքի միջոցով միայն այն դեպքում, երբ պատվերի ընդհանուր արժեքը գերազանցում է 6000 ՀՀ դրամը (այս դրույքաչափը չի ներառում ապրանքի առաքման վճարը)։
Ապրանքի համար վճարումը Հաճախորդի կողմից կատարվում է կանխիկ կամ անկանխիկ տարբերակով։
Հաճախորդի կողմից Պայմանների 2․10-րդ կետին համապատասխան պատվերը հաստատելուց հետո համարվում է, որ Հաճախորդը ավարտել է իր պատվերը գրանցելու գործընթացը և այդ պահից առաջանում է նրա՝ Ապրանքի համար վճարելու պարտավորությունը, եթե Պատվերը գրանցելիս Հաճախորդը նշել է, որ վճարումը կատարվելու է «Առցանց», IDRAM կամ Tellcell տարբերակներից մեկով։
Տվյալ պարագայում համարվում է, որ Ընկերությունը ստացել է Հաճախորդի Պատվերը և ապրանքի առաքման գործընթացը սկսվում է Պատվերի համար վճարումը ստանալուց անմիջապես հետո։
Մնացած դեպքերում վճարումը իրականացվում է Ապրանքը ստանալու պահին։
Պատվերը հաստատելուց հետո Հաճախորդը հնարավորություն ունի այն չեղարկել 30-40 րոպեի ընթացքում։ Պատվերի չեղարկումը իրականացվում է Ընկերության հետ հեռախոսազանգով կապնվելու միջոցով և այն պարագայում, երբ Ընկերությունը հաստատում է չեղարկումը։
Ընկերությունը պարտավոր է պատշաճ կազմակերպել պատվերի առաքումը և կրում է պատասխանատվություն պատվերը ոչ պատշաճ կատարելու կամ չկատարելու համար։
4.2. Առցանց վճարումը
Առցանց վճարում՝ անկանխիկ եղանակով նախաձեռնած վճարում, որն ուղղվում է (փոխանցվում է) շահառուի (վճար ստացողի) բանկային հաշվին։
Կայքում Պատվերի գրանցման պահին առցանց վճարում կատարելուց հետո Ընկերությունը անմիջապես սկսում է առաքման գործընթացը։ Գանձված վճարը հետ է վերադարձվում միայն այն դեպքում, երբ առաքված ապրանքը ժամկետանց է։
Առցանց վճարման հետ կապված որևէ խնդրի դեպքում Հաճախորդը կարող է կապ հաստատել Ընկերության հետ հեռախոսազանգով կամ էլ. նամակով ( gmgpharm@gmail.com )։
Ընկերությունը, իրականացնելով վաճառք էլ. հարթակի միջոցով, պատասխանատվություն է կրում Կայքում ներկայացված ապրանքների որակի և ծառայությունների պատշաճ մատուցման համար։
Հաճախորդի բողոքները կարող են ներկայացվել ինչպես բանավոր՝ հեռախոսազանգով (077217312), այնպես էլ էլեկտրոնային փոստով ( gmgpharm@gmail.com )։
Եթե Հաճախորդը գրանցված է Կայքում, նա պարբերաբար կարող է նամակներ ստանալ gmgpharm-ից։ Հաճախորդը կարող է ապաբաժանորդագրվել և չստանալ այդ նամակները։
Կայքում ներկայացված ապրանքների գները պարբերաբար փոփոխվում են։ Ակցիաների վերաբերյալ թարմացումների մասին հաճախորդները տեղեկացվում են կայքի, սոցիալական հարթակների և/կամ նամակների միջոցով։
Նմանօրինակ Ապրանքները փոխարինելու կամ վերադարձնելու ՈՉ ենթակա պատշաճ որակի ոչ պարենային ապրանքներ են, որոնք սահմանված են ՀՀ կառավարության 30 հունվարի 2002 թվականի N 77 որոշմամբ։
9. Այլ դրույթներ․
Հայերեն
